ДЕТАЛИ за синоќешната сообраќајка на Илинденска во која се ПОВРЕДЕНИ ЧЕТИРИ ЖЕНИ

Четири жени завршија со тешки телесни повреди по синоќешната сообраќајка на „Илинденска“. Несреќата се случила во 20: 10 часот на булевар „Илинден“ во Скопје, кога мотоцикл „БМВ“ со скопски регистарски ознаки, управуван од Д.П.(38) од Скопје, удрил во пешаците К.Д.(76), В.Д.К.(46), С.Т.(45) и Л.К.(50), сите од Скопје.

Во незгодата пешаците се здобиле со тешки телесни повреди, додека мотоциклистот се здобил со телесни повреди.

К.Д била пренесена во комплексот клиники „Мајка Тереза“, В.Д.К. и С.Т. биле пренесени во градската општа болница „Св. Наум Охридски“, Л.К. била пренесена во градската општа болница „8-ми Септември“, мотоциклистот бил пренесен во комплексот клинки „Мајка Тереза“.

Увид на местото на настанот извршила увидна екипа од СВР Скопје.